Teknik-Teknik Wonten Ing Olahraga Voli

Sinten ingkang dereng pirsa kaliyan olahraga Voli. Voli menika sampun kondhang saha dipunremeni dening tiyang enem ugi tiyang sepuh. Voli inggih menika satunggaling olahraga ingkang awujud dolanan kelompokan kanthi ngginakaken bal ageng dening kalih regu ingkang sami adhep-adhepan. Satunggal regu menika wonten enem tiyang.

Saben regu namung pikantuk nampel bal paling kathah kaping tiga. Regu ingkang menang inggih menika regu ingkang langkung rumiyin saget pikantuk poin 25 kanthi ndawahaken bal wonten ing petak regu satunggalipun. Supados saget pikantuk poin ingkang kathah, pemain kedah ngowaosi teknik-teknik ing dolanan menika. Wonten sekawan teknik dasar ingkang kedah dipunkuaosi inggih menika servis, passing, smash saha blocking.

1. Teknik Servis

Servis inggih menika upaya ndamel bal supados saged mumbul saha nyebrang wonten ing nginggil net dumugi petak lawan saking garis wingking lapangan. Seryis menika saget dipuntindakaken saking andhap saha saking nginggil. Menika cara nindakaken servis ingkang leres saha sae.

a. Cara nindakaken servis andhap

Menika urut-urutanipun cara nindakaken servis andhap:

1) Jumeneng kanthi satunggal suku wonten ngajeng saha madhep net.

2) Asta ingkang kiwa nyepeng bal wonten ing ngajeng badan saha badan radi bungkuk.

3) Bal dipunumbulaken ngginakaken asta kiwa kirang langkung dhuwuripun 30 cm, lajeng sesarengan kaliyan menika asta ingkang tengen ngantem bal kanthi ngayun saking wingking andhap satemah bal saged mumbul wonten nginggilipun net.

Supados langkung gampil anggenipun nindakaken servis andhap, menika gambar cara nindakaken servis andhap.

b. Cara nindakaken servis inggil

Menika urut-urutanipun cara nindakaken servis inggil:

1) Jumeneng kanthi satunggal suku wonten ngajeng saha madhep net.

2) Bal dipunumbulaken lempeng dhateng nginggil ngginakaken asta kiwa kirang langkung 60 cm wonten ing nginggil ngajeng sirah saha paningal dipunpusataken wonten ing bal.

3) Lajeng sareng kaliyan menika, asta ingkang tengen ngayun saking wingking nginggil dhateng ngajeng.

4) Bal dipuntampel ngginakaken tapak asta.

Supados langkung gampil anggenipun nindakaken servis inggil, menika gambar cara nindakaken servis inggil.

2. Teknik Passing

Passing inggih menika ngoper bal dhateng kanca satunggal regu kangge damel serangan utawi dhateng petak regu lawan supados saget pikantuk poin. Passing menika ugi wonten kalih jinis, inggih menika passing andhap saha passing inggil. Menika cara nindakaken passing ingkang leres.

a. Cara nindakaken passing andhap

Urut-urutanipun cara nindakaken passing andhap ingkang leres inggih menika:

1) Jumeneng kanthi radi ngakah sawiyaripun pundhak.

2) Dengkul radi dipuntekuk, badan radi bungkuk.

3) Kekalih asta dipunraketaken lempeng dating ngajeng ngandhap.

4) Kekalih asta lajeng dipunayun sesarengan lempeng saduwuripun jaja sesarengan kaliyan nglempengaken dengkul kekalih, satemah bal kenging lengen andhap.

5) Lajeng dipunpungkasi kanthi gerak lanjutan.

Supados langkung gampil anggenipun nindakaken passing andhap, menika gambar cara nindakaken passing andhap.

b. Cara nindakaken passing inggil

Urut-urutanipun cara nindakaken passing inggil ingkang leres inggih menika:

1) Jumeneng kanthi satunggal suku wonten ing ngajeng.

2) Paningal dipunpusataken wonten ing bal.

3) Badan radi bungkuk saha dengkul dipuntekuk.

4) Kekalih asta mbika wonten ing nginggil sirah kanthi sikut dipuntekuk medal.

5) Lajeng bal dipunsurung supados mumbul ngginakaken pucuk racikan lajeng dipundherekaken nglempengaken sikut, dengkul saha badan.

6) Lajeng dipunpungkasi kanthi gerak lanjutan.

Supados langkung gampil anggenipun nindakaken passing inggil, menika gambar cara nindakaken passing inggil.

3. Teknik Smash

Smash inggih menika nampel bal kanthi banter supados saged ngowahi pertahanan saking regu lawan. Adatipun kanthi smash menika regu ingkang nindakaken smash saged pikantuk poin amargi smash menika kiat sanget satemah rekaos dipuntampi dening regu lawan.

Menika urut-urutanipun cara nindakaken smash:

1) Jumeneng kirang langkung 2-3 jangkah saking net.

2) Mendhet wiwitan kanthi jangkahan ingkang wiyar saha datar.

3) Asta kekalih dipunayun dhateng wingking, paningal dipunpusataken dhateng bal.

4) Loncat kanthi nekuk dengkul kangge tolakan.

5) Lengen ingkang badhe nempel bal dipunayun dhateng wingking sirah.

6) Lajeng bal dipuntampel ngginakaken tapak asta kanthi banter lan kiat.

7) Suku kekalih napak siti malih sesarengan kanthi dengkul ngeper.

Supados langkung gampil anggenipun nindakaken smash, menika gambar cara nindakaken smash.

4. Teknik Blocking

Blocking utawi bendungan inggih menika upaya kangge nggagalaken smash saking regu lawan kanthi mbendung bal wonten ing nginggil net. Blocking menika saged dipuntindakaken satunggal kalih utawi tiga tiyang , tergantung kiatipun smash ingkang dipuntampi.

Menika urut-urutanipun cara nindakaken blocking ingkang leres:

1) Jumeneng ngadhep dhateng net.

2) Ningali bal saha pemain lawan.

3) Loncat saking radi ndhodhok, kekalih asta wonten ngajeng pundhak.

4) Julurkan kedua tangan ke atas untunk menghadang dan menitup bola yang dipukul.

5) Suku kekalih napak siti malih sesarengan kanthi dengkul ngeper.

Supados langkung gampil anggenipun nindakaken blocking, menika gambar cara nindakaken blocking.

Kalawau menggah teknik-teknik ingkang kedah dipunkuwaosi dening para pemain Voli. Wonten servis, passing, smash saha blocking. Menika nembe teknik-teknik ingkang dasar, ananging kedah dipuntindakaken kanthi sae saha leres menawi badhe menang ing dolanan menika. Kedah sregep saha temen anggenipun gladhen supados saged nguwaosi kanthi sae saha leres satemah saged dados pemain ingkang handal.

ARTIKEL BASA JAWI : EKSPOSISI OLAHRAGA

Kaserat dening

Nama : Khairusyifa Pratiwi

Kelas : XI MIA 1

No. : 15

JUST SHARE!

Berbagi Ilmu dan Pengetahuan

Popular Posts

Blogger templates

Blog Archive

Teknik-Teknik Wonten Ing Olahraga Voli

0 komentar:

Posting Komentar