Popular Posts
-
ASMA Sinten ingkang dereng pirsa kaliyan asma. Asma menika penyakit ingkang njalari amargi wonten gang guan ing piranti...
-
Ing zaman sakmenika kathah tiyang utawi masyarakat Indonesia khususipun daerah Jawa Tengah sakleresipun kathah ingkang saged basa ...
-
Assalamu’alaikum Wr. Wb. Salam kasugengan sarta karaharjan mugi tansah kajiwa kasarira dhumateng kula lan panjenengan sedaya....
-
Prosedur Pembuatan Paspor
-
Sumangga Mbuang Reregetan Wonten Wadahipun Gesang ingkang anyem tentrem sakmenika gadhahi perkawis perkawis ingkang mb...
-
2. LOMPAT 1. Lompat Jauh Lompat merupakan salah satu cabang dari atletik yang biasa di lombakan dalam kejuaraan,regional...
-
.jpg)
Sinten ingkang dereng pirsa kaliyan olahraga Voli. Voli menika sampun kondhang saha dipunremeni dening tiyang enem ugi tiyang sepuh. Voli i... -
Sosial media menika kalebet salah satunggalipun awujud kemajengan Tekhnologi lan Informatika (TI) ingkang paling kuraos dening kawula...
-
Indonesia inggih punika salah satunggaling negari ingkang gadhah maneka warni kabudayan pramila nguri-uri budaya ingkang sampu...
Minggu, 26 Februari 2017
Assalamu’alaikum Wr. Wb.
Salam kasugengan sarta karaharjan mugi tansah kajiwa kasarira
dhumateng kula lan panjenengan sedaya.
Para sesepuh pinisepuh ingkang kinabekten.
Bapak Sukimin minangka Kepala Dusun Jelok ingkang satuhu kinurmatan.
Warga Dusun Jelok, Desa
Pundungsari, Kec. Semin ingkang tansah
bagya mulya.
Sumangga langkung rumiyin kula lan panjenengan sedaya ngaturaken puji syukur dhumateng Gusti Ingkang Maha Kuwaos awit sampun
paring sedaya kanikmatan lan kasarasan dhateng kula lan panjenengan sedaya
satemah dumugi samenika kula lan panjenengan sedaya saged kempal manunggal wonten
ing adicara bersih dusun Jelok.
Ing mriki, kula minangka pangarsa bebadan badhe ngandharaken
sekedhik babagan adicara menika.
Ing adicara menika, badhe dipunpentasaken Tari Tayub kangge hiburan
dhumateng warga dusun. Tari Tayub menika salah
satunggal seni pertunjukan masyarakat Jawa. Tayub nglambangaken ungkapan rasa
seneng kangge nyambut tamu ugi nglambangaken pesta rakyat. Tayub menika tari berpasangan antawis ledhek
kaliyan pengibing. Acara tayuban limrahipun dipunwiwiti kaliyan tarian putri,
lajeng pengibing nembe mlebet dipuntarik kaliyan slendangipun penari ledhek.
Gendhing ingkang dipunalunkan pesinden limrahipun sekar-sekar langgam
campursari.
Kula lan panjenengan sedaya mesthinipun sampun boten asing malih kaliyan
tarian menika. Tayub menika sampun kawentar kangge masyarakat semin. Pramila
kula boten prelu njlentrehaken panjang lebar.
Tari Tayub menika taksih dipunpentasaken wonten daerah Yogyakarta kala
menika. Ananging, kawontenan Tari Tayub
wingkingan menika ketingal kirang dipunperhatosaken dening masyarakat Kabupaten
Gunungkidul. Pramila kula lan panjenengan sedaya kedah nglestantunaken tari
menika kanthi ngadhanaken pentas tari tayub kados dene wekdal menika.
Para
sedherek ingkang kinurmatan,
Mugi-mugi, tari tayub menika saged lestantun ngantos generasi anak
cucu kula lan panjenengan sedaya satemah piyambakipun saged ningali seni tari
tradisional menika.
Bok bilih mekaten sekedhik ingkang saged kula aturaken, mugi-mugi
adicara bersih dusun menika saged lancar tanpa satunggal alangan punapa. Sumangga
kula lan panjenengan sedaya wiwiti kaliyan dedonga sesarengan
rumiyin..............
Ing mriki, kula minangka wakil saking sedaya bebadan nyuwun
pangapunten ingkang saagengipun bok bilih anggen kula matur kathah kekirangan
saha kalepatan.
Sumangga kula lan panjenengan sedaya sesarengan ningali tari tayub
ingkang badhe pentas.
Maturnuwun awit saking wekdal lan kawigatosipun
Wassalamu’alaikum Wr. Wb
Langganan:
Posting Komentar (Atom)
0 komentar:
Posting Komentar